Úkimet jaqyn aralyqta Parlamenttiń qaraýyna jańa halyqaralyq ýnıversıtet mártebesi týraly zań jobasyn usynady
ASTANA. Qyrkúıektiń 1-i. QazAqparat /Qanat Mámetqazyuly/ - Úkimet jaqyn aralyqta Parlamenttiń qaraýyna jańa halyqaralyq ýnıversıtet mártebesi týraly zań jobasyn usynady. Búgin tórtinshi saılanǵan QR Parlamentiniń tórtinshi sessııasyn ashý barysynda Elbasy Nursultan Nazarbaev osylaı málim etti.
«Úkimetpen ázirlengen jańa halyqaralyq ýnıversıtet mártebesi, onyń qory men ıntelektýaldyq mektepter týraly zań jobasy jaqynda Parlament qaraýyna beriledi. Bul qujat qazaqstandyq bilim sapasynyń deńgeıin kóterýge baǵyttalyp, ınnovatsııalyq baǵdarlamalardy, ǵylymı jobalardy engizýdi kózdeıdi», dedi N. Nazarbaev.
Sonymen birge Elbasy Parlamenttiń qaraýynda densaýlyq saqtaýdyń memlekettik mekemelerin korporatıvtik basqarý elementteri týraly zań jobasy jatqanyn da eske saldy. Prezıdenttiń aıtýynsha, atalǵan zańdy qabyldaý medıtsınalyq mekeme qyzmeti boıynsha memlekettik baqylaý tetigin kúsheıtetin bolady.
