Úkimet zeınetaqy júıesin jańǵyrtý tujyrymdamasyn kúzge qaraı Prezıdent Ákimshiligine usynady

ASTANA. 14 maýsym. QazAqparat - Úkimet aldaǵy zeınetaqy júıesin jańǵyrtý jumystaryn qolǵa aldy. Búgin Parlament palatalarynyń birlesken otyrysy barysynda sóz sóılegen Serik Ahmetov osylaı málim etti.

«Kúzge salym Úkimet áleýmettik jańǵyrtý tujyrymdamasyn QR Prezıdenti Ákimshiligine usynady. Al oǵan deıin biz osy máseleni depýtattyq korpýspen, qoǵamdyq uıymdarmen, jalpy qoǵammen talqylaıtyn bolamyz. Óıtkeni, bul jumystar zeınetaqy júıesiniń barlyq taraptaryn qamtıtyny aıqyn. Árıne, onda búgingi kúni qoǵam tarapynan kóterilip jatqan barlyq máseleler muqııat zerdelenip, qajettisi qabyldanatyn bolady», - dedi Premer-Mınıstr.

Sonymen qatar, Úkimet basshysy osy aptada «Jumyspen qamtý-2020» baǵdarlamasy qabyldanǵanyn atap ótti. Onda qoǵam tarapynan kóterilgen usynystar men buǵan deıingi tájirıbeler qamtylǵan.

«Jańa baǵdarlama jurtshylyqty ónimdi eńbekke tartýmen qatar, daǵdarysqa qarsy den qoıý sharalaryn qamtyp otyr. Bul sharalar eń aldymen jumyspen qamtý jáne jańa jumys oryndaryn ashý esebinen áli de jalǵasyp kele jatqan daǵdarystyń jaǵymsyz qubylystaryn eńserýge baǵyttalady», - dedi S. Ahmetov.