Úkimet zańnamalyq turǵyda áıelder jasyn ulǵaıtýdy kózdeıtin zań jobasyn maquldady
ASTANA. 2 sáýir. QazAqparat - Búgin QR Úkimeti otyrysynda zańnamalyq turǵyda áıelder jasyn ulǵaıtýdy jáne biryńǵaı zeınetaqy qoryn qurýdy kózdeıtin zań jobasy maquldandy.
«Nazarlaryńyzǵa Úkimet janyndaǵy vedomstvoaralyq jumys tobynyń sheshimi boıynsha Qazaqstan Respýblıkasynda zeınetaqymen qamsyzdandyrý týraly jáne Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleri boıynsha ózgerister men tolyqtyrýlar engizý týraly zań jobalary usynylyp otyr. Zań jobalary Memleket basshysynyń zeınetaqy júıeesin jańartý jáne biryńǵaı jınaqtaýshy zeınetaqy qoryn qurý tapsyrmalaryna sáıkes ázirlendi», - dedi zań jobasyn tanystyrǵan QR Eńbek jáne halyqty áleýmettik qorǵaý mıınstri Serik Ábdenov.
Onyń atap ótýinshe, áıelderdiń zeınetke shyǵý jasyn 63 jasqa deıin kóterý 10 jyl ishinde 6 aı saıyn kezeń-kezeńmen júzege asyrylady. Vedomstvoaralyq jumys toby atalǵan kezeńniń birinshi satysyn keler jyldyń 1 qańtarynan bastaýdy usynýda.
Úkimet otyrysy aıaqtalǵannan keıin atalǵan zań jobasynyń Mınıstrler kabıneti tarabynan qoldaý tapqandyǵyn atap ótken S.Ábenov: «Zań jobasy maquldandy, Májiliske jiberiledi», - dedi.
