Úkimet veterınarlyq qyzmetti nyǵaıtý boıynsha keshendi sharalar ázirleýi qajet – QR Prezıdenti
NUR-SULTAN. QazAqparat – Úkimet veterınarlyq qyzmetti nyǵaıtý boıynsha keshendi sharalar ázirleýi qajet. Bul týraly koronavırýs indetiniń ekinshi kezeńine daıyndyq máseleleri boıynsha ótken keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.
Veterınarlyq qyzmet damýynyń tómen deńgeıi qus tumaýy órshýiniń aldyn alý boıynsha sharalardy der ýaqytynda qabyldaýǵa múmkindik bermedi. Qustardyń jalpy ólim-jitimi jeke aýlalarda 24 myńnan astamdy, negizgi eki qus fabrıkasynda 500 myńnan astamdy qurady. Sondyqtan ta ahýal óte kúrdeli. Oǵan barynsha baıyppen nazar aýdarǵan jón», - dedi Memleket basshysy.
Qazaqstan Prezıdenti veterınarlyq qyzmet eldiń bıologııalyq qaýipsizdigi jalpy júıesiniń bir bóligi ekendigine nazar aýdartty.
«Úkimetke veterınarlyq qyzmetti nyǵaıtý boıynsha keshendi sharalar ázirleý qajet. Óıtkeni, veterınralyq qyzmettiń damý deńgeıi qaýipsizdik máselelerimen qatar aýyl sharýashylyǵy ónimderin eksportqa shyǵarý múmkindigine de tikeleı áser etedi», -dedi Qasym-Jomart Toqaev.
