Úkimet úıinde QR Prezıdentiniń janyndaǵy Áıelder isteri jónindegi ulttyq komıssııanyń otyrysy ótedi

Bul týraly atalmysh Ulttyq komıssııanyń hatshylyǵynan málim etti.

Otyrysta kelesideı máseleler qaralatyn bolady:

1. Mektepke deıingi uıymdarda tárbıelenýshilerdi, jalpyǵa birdeı orta bilim beretin jáne kásibı bilim berý uıymdarynyń oqýshylaryn rýhanı-adamgershilik qundylyqtarǵa, neke jáne otbasyn nyǵaıtý negizderine oqytý jónindegi jumystar týraly; 

2. Balalarǵa qyzmet kórsetý boıynsha qosymsha bilim berý uıymdarynyń qyzmetterin jetildirý jónindegi sharalar týraly (QR Bilim jáne ǵylym mınıstrliginiń aqparaty);

3. Ońtústik Qazaqstan oblysynda kámeletke tolmaǵandar arasyndaǵy quqyq buzýshylyqtyń aldý alý salasynda memlekettik saıasattyń iske asyrylýyn qamtamasyz etý (Ońtústik Qazaqstan oblysynyń ákimi janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń aqparaty).

Álemdik tarıhı tájirıbe kórsetkendeı, memlekettiń ekonomıkalyq jetistikteri jáne azamattardyń materıaldyq ál-aýqattary ózdiginen ózi qoǵamnyń rýhanı jáne adamgershilik damýyna kepildik bermeıdi. Atap aıtqanda, rýhanı-adamgershilik berik irgetas negizinde  ulttyń tarıhı ómirsheńdigin qamtamasyz etetin turaqty mentalıteti, dili qalyptasady.   

Ózekti mindetter pedagogterdiń otbasylarmen, túrli otbasylarmen jeke-jeke tásilder boıynsha  jumystar jasaýy bolyp otyr. Qosymsha bilim berý uıymdarynda otbasylarmen ózar is-áreketter jasaý máselesi boıynsha pedagogterdiń kásibı biliktilik quzyreti jetkiliksiz bolýda; Ózara is-áreket jasaýdyń barynsha tıimdi nysandaryn izdeý jáne engizý arqyly ata-analardy mektep ómirine jáne balany áleýmettendirýge qatysýǵa tartý talap etiledi.

Qazirgi kezde eldiń, qoǵamnyń áleýmettik-ekonomıkalyq damýyndaǵy belgili bir oń úrdisterge qaramastan, ásirese jas urpaqtyń rýhanı-adamgershilik daǵdarysty bastan keshirýleri jalǵasýda. Oǵan kámeletke tolmaǵandar arasyndaǵy jasalǵan qylmystyń joǵary deńgeıi kýá bolady. Mysaly, oblys ortalyǵy Shymkent q. 1 jartyjyldyqtyń qorytyndysy boıynsha jasóspirimder qylmysynyń 33,6%-ǵa nemese 113-ten 151-ge deıin óskeni tirkeldi. Oblys boıynsha mektep, lıtseıler men gımnazııalar oqýshylary jasaǵan qylmystar kólemi 31,3%-ǵa ulǵaıdy (163-n 214-ke deıin), 4 adam óltirý tirkeldi jáne t.b. Ákimshilik quqyq buzýshylyq jasaǵandary úshin ishki ister organdaryna 3 myń.astam kámeletke tolmaǵandar jetkizildi, onyń ishinde qoǵamdyq oryndarda spırttik ishimdikter ishkender sany 82.

Ulttyq komıssııa Ońtústik Qazaqstan oblysynda kámeletke tolmaǵandar arasyndaǵy quqyq buzýshylyq  profılaktıkasy salasynda memlekettik saıasatty iske asyrýdy qamtamasyz etýdiń jaǵdaıy zertteı kelip, qazirgi kezde Shymkent qalasynyń jalpy bilim beretin oqý oryndarynda mektep ınspektorlary bekitilgenin (98), al tutastaı alǵanda oblys boıynsha - 213 mektep ınspektory bekitilgenin atap ótti. Oblystyń 801 mektebinde «polıtsııanyń jas kómekshileri» otrıadtary quryldy, oǵan 17604 oqýshy qatystyryldy, 3984 ata-ana qatysatyn «ákeler keńesi» quryldy, olar kámeletke tolmaǵandar arasyndaǵy quqyq buzýshylyq  profılaktıkasymen aınalysatyn bolady. 

Alaıda  vedomstvoaralyq  ózara is-qımyldyń  jetispeýshiligine, jergilikti bılik organdarynda, ÚEU jáne jergilikti qoǵamdastyqta  profılaktıkalyq jumystardyń biryńǵaı úılesiminiń joqtyǵyna qaraı oblysta kámeletke tolmaǵandar arasyndaǵy quqyq buzýshylyq profılaktıkasy boıynsha is-qımyldyń biryńǵaı tuǵyrnamasy qalyptastyrylmaǵan. Barlyq baǵdarlamalar men jobalar úzdik-sozdyq jáne tıimsiz. Úkimettik emes uıymdardyń áleýeti nashar paıdalanylady, memlekettik áleýmettik tapsyrystardyń qolaısyz otbasylarmen jáne balalarmen profılaktıkalyq jumystarǵa baǵyttalǵan maqsatty lottary joq.

Otyrysqa depýtattar, Bas prokýratýranyń, ishki ister, ádilet, bilim jáne ǵylym, densaýlyq saqtaý mınıstrlikteriniń, Din isteri jónindegi agenttiktiń jáne Qazaqstan halqy Assambleıasynyń basshylary qatysady.