Úkimet úıinde eldiń 2023-2027 jyldarǵy áleýmettik-ekonomıkalyq damý boljamy talqylandy

NUR-SULTAN. QazAqparat - QR Premer-Mınıstri Álıhan Smaıylov Ekonomıkalyq saıasat jónindegi keńestiń otyrysyn ótkizdi. Otyrys barysynda 2023-2027 jyldarǵa arnalǵan áleýmettik-ekonomıkalyq damý boljamyn qalyptastyrý máseleleri talqylandy. QazAqparat bul týraly primeminister.kz saıtyna silteme jasap habarlaıdy.

Atalǵan taqyryp boıynsha QR Prezıdenti Ákimshiligi Basshysynyń birinshi orynbasary Tımýr Súleımenov, Premer-Mınıstrdiń orynbasary – Qarjy mınıstri Erulan Jamaýbaev, Ulttyq ekonomıka mınıstri Álibek Qýantyrov, Ulttyq bank tóraǵasynyń orynbasary Aqyljan Baımaǵambetov jáne taǵy basqalar sóz sóıledi.

Talqylaýdy qorytyndylaı kele, Álıhan Smaıylov Úkimet otyrysyna shyǵarý úshin Ulttyq ekonomıka mınıstrligine múddeli memlekettik organdarmen birlesip eldiń damý boljamy men bıýdjet parametrlerin pysyqtaýdy tapsyrdy.