Úkimet úıinde Azııa ınfraqurylymdyq ınvestıtsııalar bankimen yntymaqtastyq keleshegi talqylandy
ASTANA. QazAqparat - Búgin Úkimet úıinde HІ Astana ekonomıkalyq forýmy aıasynda QR Premer-Mınıstri Baqytjan Saǵyntaev Azııa ınfraqurylymdyq ınvestıtsııalar bankiniń (AIIB) Prezıdenti Tszın Lıtsıýnmen kezdesý ótkizdi. Bul týraly QazAqparat primeminister.kz saıtyna silteme jasap habarlaıdy.
Kezdesý barysynda AIIB-pen yntymaqtastyqty damytý jáne el ekonomıkasynyń ártúrli salalarynda birlesken ınfraqurylymdyq jobalardy júzege asyrý máseleleri talqylandy. Qarjylandyrýdyń basym baǵyttary retinde energetıka, kólik, logıstıka, qala jáne aýyl ınfraqurylymy jáne t.b. salalar ataldy.
Qazaqstannyń Ortalyq Azııa aımaǵyndaǵy mańyzdy logıstıkalyq jáne kólik haby retindegi rólin eskere otyryp, AIIB-tyń «Nurly jol» baǵdarlamasy aıasynda kólik sektoryna qatysý múmkindikteri talqylandy.
Sondaı-aq, Qazaqstan men AIIB arasynda ınfraqurylymdyq ınvestıtsııalar jáne Qazaqstanda AIIB óńirlik ókildigin qurý máseleleri boıynsha shekti kelisim jasasýdyń birlesken josparlary qaraldy.
Búgingi tańda elimizde DB, ADB, EQQDB, IDB jáne t.b. sekildi halyqaralyq qarjy jáne kópjaqty damý ınstıtýttarynyń ókildikteri bar. «Astana» halyqaralyq qarjy ortalyǵy banktiń ofısin ashatyn basty alań retinde tańdaldy.
