Úkimet týrıstik salany damytýdyń 2020 jylǵa deıingi tujyrymdamasyn bekitti
ASTANA. QazAqparat - QR Úkimeti búgingi otyrysta týrıstik salany damytýdyń tujyrymdamasyn bekitti. Bul týraly Ortalyq kommýnıkatsııalar qyzmetinde ótken brıfıngte Indýstrııa jáne jańa tehnologııalar vıtse-mınıstri Nurlan Saýranbaev aıtty.
Onyń aıtýynsha, tujyrymdama elimizdegi bes týrıstik klasterdi damytýdy kózdeıdi. Olar - Astana, Almaty, Shyǵys, Ońtústik jáne Batys Qazaqstan.
Astana men Almaty týrızmniń iskerlik ortalyǵy retinde, Shyǵys Qazaqstan klasteri ekologııalyq týrızmniń ortalyǵy retinde, Batys Qazaqstan klasteri mádenı jáne jaǵajaı týrızmine ıkemdendiriledi, al Ońtústik Qazaqstan klasterinde mádenı týrızm damytylady. Sondaı-aq Almatyda halyqaralyq taý týrızmin damytý da qolǵa alynbaq.
Tujyrymdamanyń negizgi maqsattarynyń biri - eldiń jalpy ishki ónimindegi týrızm úlesin kóbeıtý jáne jańa turaqty jumys oryndaryn ashý. Qujatty júzege asyrý sheńberinde osy jáne qosalqy saladaǵy jumys oryndarynyń sanyn birneshe esege arttyrý josparlanyp otyr.
