Úkimet turǵyn úıdi jalǵa alǵany úshin beriletin tólemderge qatysty Qaýly qabyldady

NUR-SULTAN. QazAqparat - Memleket basshysy Qasym-Jomart Kemeluly Toqaevtyń tapsyrmasyn oryndaý aıasynda 2022 jylǵy 25 qańtarda Qazaqstan Respýblıkasynyń Úkimeti Indýstrııa jáne ınfraqurylymdyq damý mınıstrligine (IIDM) azamattardyń áleýmettik jaǵynan az qamtylǵan sanattaryna jeke turǵyn úı qorynan turǵyn úıdi jaldaý úshin tólemderdi taǵaıyndaý jáne tóleý tártibin aıqyndaý jóninde ókilettikter beretin Qaýly qabyldady.

«Atalǵan Qaýlynyń qabyldanýy IIDM-ge baspanaǵa asa muqtaj azamattarǵa qaıtalama turǵyn úıdi jalǵa alǵany úshin tólem taǵaıyndaý jáne ony tóleý qaǵıdalaryn bekitýge múmkindik beredi»,-delingen QR Premer-Mınıstriniń baspasóz qyzmeti taratqan aqparatta.