Úkimet turǵyn úı qurylysyn qoldaý sharalaryn maquldady
ASTANA. 16 aqpan. QazAqparat /Marlan Jıembaı/ - QR Úkimetiniń búgingi otyrysynda turǵyn úı qurylysyn qoldaý sharalary maquldandy.
Esterińizge sala keteıik, Mınıstrler kabınetiniń keshegi alqaly jıynynda atalǵan sharalardy tanystyrǵan Qurylys isteri jáne turǵyn úı kommýnaldyq sharýashylyq agenttiginiń tóraǵasy Serik Nokınniń atap ótýinshe, turǵyn úı qurylysyn memlekettik qoldaý 3 negizgi baǵyt boıynsha júzege asyrylmaq.
«Birinshi baǵytta turǵyn úı qurylys júıesin paıdalanyp júzege asyrý úshin qymbat emes turǵyn úı qurylysy júzege asyrylsa, keleside qurylysty qarjylandyrý úshin ekinshi deńgeıli bankterdi qorlandyrý iske asyrylady. Al sońǵy kezeńde ınjenerlik kommýnıkatsııalar salý qolǵa alynady», - degen edi agenttik tóraǵasy.
S.Nokınniń atap ótýinshe, úsh baǵytta qarastyrylǵan sharalar júzege asyrylǵan jaǵdaıda jyl saıyn elimizde shamamen 6 mln. sharshy metr turǵyn úı qurylysy qamtamasyz etiletin bolady.
