Úkimet Turǵyn úı qurylys jınaq bankine strategııalyq ınvestor tartýdy josparlaýda
ASTANA. QazAqparat - Úkimet Turǵyn úı qurylys jınaq bankine strategııalyq ınvestor tartýdy josparlaýda. Bul týraly búgin OKQ ótken brıfıngte QR Ulttyq ekonomıka mınıstri Erbolat Dosaev málim etti.
«Turǵyn úı qurylys salasyndaǵy talaptardy azaıtý úshin bıýdjettik qarajattar kóptep jumsalýy kerek bolady. Turǵyn úı qurylysy jınaq bankiniń 50 de 50 talabyn ózgertý degenimiz - qosymsha bıýdjet qarjysynyń bólinýi degen sóz», - dep atap ótti mınıstr banktiń nesıe talaptarynyń jeńildetýi jónindegi saýalǵa qatysty.
Onyń aıtýynsha, qazirgi ýaqytta bank Qazaqstannyń top-60 respýblıkalyq obektiniń qataryna kiredi.
«Biz oǵan strategııalyq ınvestordy tartýdy josparlap otyrmyz. Eger ol kelse, taktıkany jáne bank strategııasyn ózgertýge bolady. Bıýdjettik jáne ınvestorlyq qarajattardy qoldaný múmkindigi týady», - deıdi E. Dosaev.
