Úkimet Turǵyn úı qurylys jınaq banki salymshylaryna ótemaqy tóleý boıynsha sheshim qabyldady
ASTANA. QazAqparat - Mınıstrler kabıneti «Qazaqstannyń turǵyn úı qurylys jınaq banki» AQ salymshylaryna valıýta baǵamynyń ózgerýine baılanysty ótemaqy tóleý maqsatynda rezervten 36,9 mlrd. teńge bóledi. Bul týraly Úkimet otyrysynda QR Ulttyq ekonomıka mınıstri Erbolat Dosaev habarlady.
Búgin «Turǵyn úı qurylys jınaq banki» baspasóz qyzmetinde banktiń jeke qarajatynan osy somaǵa qosymsha taǵy 24 mlrd. teńge bólinetinin habarlady. Osylaısha, úkimettiń rezervtik aqshasymen birge, bank klıentterine 60,9 mlrd. teńge ótemaqy tóleıtin bolady. Bul rette, QTQJB - 1 mln teńgeden asatyn salym boıynsha kýrstyq aıyrmanyń ornyn toltyryp otyrǵan eldegi jalǵyz bank.
QTQJB ótemaqyǵa arnalǵan qarajat 2016 jáne 2017 jyly eki transhpen bólinetinin túsindirdi. Bankte barlyq salymshylar salym boıynsha kýrs aıyrmasyn alatynyn atap ótti. Jalpy 492 myń depozıt bar. Ótinish qabyldaý merzimi tyǵyz emes. Qujattar qabyldaıtyn kún týraly salymshylarǵa qosymsha habarlanatyn bolady.
Sonymen, E. Dosaev 2016-2018 jyldary halyqtyń turǵyn úıge qoljetimdilik deńgeıin arttyrý maqsatynda 817 sharshy metr jaldamaly turǵyn úı, shamamen 13 600 páter salý nemese satyp alý qamtamasyz etiletinin málimdedi.
