Úkimet tehnıkalyq retteý jáne metrologııa júıesin jetildirýdiń 2020 jylǵa deıingi keshendi josparyn qabyldady
ASTANA. QazAqparat - Búgin Qazaqstan Úkimeti Tehnıkalyq retteý jáne metrologııa júıesin jetildirý boıynsha 2020 jylǵa deıingi keshendi jospar jobasyn qabyldady.
Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Birjan Qaneshev málim etti.
«Joba tehnıkalyq reglament bazasyn qalyptastyrý, básekege qabiletti ónimder óndirisi úshin jaǵdaı jasaý, otandyq taýarlardy halyqaralyq jáne óńirlik naryqtarǵa jyljytýǵa kómektesý, metrologııalyq táýelsizdikti qamtamasyz etý men ólsheýler tekserýligine qol jetkizý, memlekettik baqylaý tıimdiligin arttyrý, memlekettik qyzmetterdiń qol jetimdiligi men tehnıkalyq retteý jáne metrologııa salasynda jemqorlyq quqyq buzýshylyqtardyń aldyn alý sııaqty bólimderden turady», - dedi ol.
Komıtet basshysynyń atap ótýinshe, tehnıkalyq reglamentter bazasyn qalyptastyrý boıynsha sharalar aıasynda tehnıkalyq sarapshylar tizbesin qalyptastyrý jáne olardyń Keden odaǵy máseleleri boıynsha jumysshy toptardyń jınalystaryna qatysýyn qamtamasyz etý qajet.
