Úkimet talabyna qarsy Argentına áıelderi jartylaı jalańash sherýge shyqty
ASTANA. QazAqparat - Argentına áıelderi tek perzenthanada ǵana emes, úıde de bosanýǵa ruqsat berýdi talap etip, narazylyq toples aktsııasyn uıymdastyrdy, dep habarlady sheteldik BAQ.
Tánderin jartylaı jalańashtaǵan áıelder Býenos-Aıres qalasynyń ortalyǵynan eldiń Densaýlyq saqtaý mınıstrligi ǵımaratyna deıin júrip bardy. Aktsııaǵa úıde bala týýǵa qarsy zań bekitilip, óz qyzmetterine tyıym salynady dep qoryqqan akýsherler de qatysty. Densaýlyq saqtaý mınıstrligi osy sharadan keıin, aktsııaǵa qatysýshylarǵa úkimet eshqandaıda tyıym salmaıtynyn, tek úıde bala týýdaǵy qaýipsizdik talaptaryn kúsheıtetin zańǵa túzetýler men tolyqtyrýlar ázirlep jatqanyn aıtyp, túsinik berdi.
