Úkimet saıajaı alabtaryn damytý jónindegi keshendi sharalardy qabyldady
ASTANA. 29 maýsym. QazAqparat /Marlan Jıembaı/ - Búgin QR Úkimeti saıajaı alabtaryn damytý jónindegi keshendi sharalardy qabyldady. Atalǵan qujatty Úkimet otyrysyeda QR Aýyl sharýashylyǵy mınıstri Asyljan Mamytbekov tanystyrdy.
«Saıajaı ıeleriniń suranystary aıtarlyqtaı kóp emes. Sheshim qajet etiletin eń basty 4 másele bar. Olar: sý, elektr energııasy, avtobýs qatynasy jáne qoǵamdyq tártip. Jalpy, atalǵan keshendi sharalar saıajaı, baý-baqsha jáne qosalqy sharýashylyqtardy qoldaý boıynsha júıeli is-sharalardy qamtıtyn áleýmettik toptama retinde usynylady», - dep atap ótken mınıstr naqty atqarylatyn sharalardy ret-retimen baıandap berdi.
Onyń atap ótýinshe, birinshi kezekte barlyq saıajaılar, baý-baqsha jáne qosalqy sharýashylyqtarǵa túgendeý jumystaryn júrgizý qajet. Sondaı-aq ákimdikter turǵyn-úı sharýashylyq qyzmetteriniń saıajaı alabtaryn qajetti ınfraqurylymmen qamtamasyz etý úshin tehnıkalyq-ekonomıkalyq negizdemesin jáne jobalyq-smetalyq qujattamasyn ázirleýi kerek. Osy qujattardyń negizinde ákimdikter qajetti qarjy bólýge mindetti.
«Sonymen qatar ákimdikter saıajaı jáne baý-baqsha kooperatıvterin damytýǵa kómektesýi qajet. Bul olardyń damýyna qarqyn beredi», - dep atap ótken mınıstrdiń sózine qaraǵanda, bul oraıda saıajaı kooperatıvterin jeńildikpen qarjylandyrý úshin árbir oblysqa keminde 50 mıllıon teńge somasyna Áleýmettik-kásipkerlik korporatsııalardy qosymsha karjylandyrý qajet. Al saıajaı ıeleriniń arnaıy tehnıkalar satyp alýy úshin shaǵyn nesıe túrinde árbir oblysqa 20 mln. teńgeden bólý usynylyp otyr.
Sonymen qatar keshendi sharalar elektr energııasynyń jáne sýdyń tarıfterin tómendetýdi de qarastyrady.
