Úkimet «Samuryq-Qazyna» qorynyń 10 jylǵa arnalǵan damý strategııasyn bekitti

ASTANA. 28 tamyz. QazAqparat - Búgin Úkimet otyrsynda «Samuryq-Qazyna» ulttyq ál-aýqat qorynyń 2012-2022 jyldarǵa arnalǵan damý strategııasy bekitildi.

«Strategııamyzda negizgi 3 maqsat bar. Onyń birinshisi, bizdiń ulttyq kompanııalardyń qunyn artyrý, ekinshisi, ındýstrıaldy-ınnovatsııalyq damýǵa «Samuryq-Qazynanyń» jáne ulttyq kompanııalardyń qatysýy, al sońǵysy bizdiń áleýmettik jaýapkershiligimiz», - dedi qor basqarasy tóraǵasynyń orynbasary Qýandyq Bıshimbaev.

Onyń atap ótýinshe, qor aldaǵy on jyldyń ishinde osy úsh mańyzdy maqsatty júzege asyrýǵa baryn salmaq. Ol úshin strategııada túrli tetikter qarastyrylǵan. Máselen,  qordyń ındýstrıaldy-ınnovatsııalyq baǵdarlamaǵa qatysýy aıasynda  aldaǵy  5-10 jyldyń ishinde 100-den astam iri joba júzege asyrylatyn bolady.

«Olarǵa salynatyn ınvestıtsııa kólemi 40 mlrd. dollardan asady. Onyń ishinde energetıka, munaı hımııasy, gaz hımııasy, munaı óndirisi bar. Atalǵan jobalardy iske asyrýdyń nátıjesinde 25 myńdaı jańa jumys oryndary ashylatyn bolady», - dedi ol.