Úkimet saǵatynda qurylys jáne turǵyn úı-kommýnaldyq sektor máseleleri talqyǵa salynady
ASTANA. Qańtardyń 21-i. QazAqparat - Elimizdiń iri jáne shaǵyn qalalarynda qurylys jáne turǵyn úı-kommýnaldyq sharýashylyqty retke keltirý - búgingi tańdaǵy kókeıkesti máselelerdiń biri.
Osy baǵytta 2009 jyly qandaı ister atqaryldy? Sheshilmegen túıindi máselelerdi zańnamalyq turǵyda retteýdiń joldary qandaı? Osy suraqtarǵa dúısenbi, qańtardyń 25-i kúni, Májiliste ótetin Úkimet saǵatynda jaýap beriledi. Bul kúni parlamentshiler «Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń 2009 jylǵy jumysynyń qorytyndylary jáne turǵyn úı-kommýnaldyq sektordy reformalaýdyń negizgi baǵyttary týraly» taqyrypty talqyǵa salady, dep habarlaıdy QazAqparat.
Úkimet saǵatynda atalǵan taqyryp boıynsha QR Qurylys jáne turǵyn úı- kommýnaldyq sharýashylyq isteri agenttiginiń tóraǵasy Serik Nokın baıandama jasaıdy. Sonymen qatar osy másele tóńireginde depýtattardyń suraqtaryna jaýap beredi dep kútilýde.
Úkimet saǵaty Májilistiń otyrys zalynda saǵat 10-00-de bastalady.
