Úkimet Ruqsat berý júıesin odan ári reformalaý tujyrymdamasyn bekitti
ASTANA. 19 maýsym. QazAqparat - Búgin Úkimet otyrysynda 2012-2015 jyldarǵa arnalǵan Qazaqstan Respýblıkasynyń Ruqsat berý júıesin odan ári reformalaý tujyrymdamasynyń jobasy bekitildi.
Atalǵan qujat boıynsha QR Ekonomıkalyq damý jáne saýda mınıstri Baqytjan Saǵyntaev baıandama jasady.
Taratylǵan málimetterge qaraǵanda, Tujyrymdamanyń negizgi qaǵıdaty - ruqsat berý qujattarynyń jiktemesin, sondaı-aq olardy qaýip deńgeıi boıynsha sanattaýdy eskeretin júıelengen ruqsat berý júıesin engizý bolyp tabylady. Aıta keteıik, Tujyrymdamada barlyq engiziletin ruqsatnamalar retteletin salaǵa yqpal etý baǵalaýynan ótýi tıis, eger de zańmen tikeleı tyıym salynbasa kez kelgen qyzmetpen aınalysýǵa bolatyndyǵy, memleket, kásipkerler jáne tutynýshylar múddeleriniń saqtalýynyń teńdigi eskeriledi. Atalǵan Tujyrymdamanyń ázirlenýinde Qazaqstannyń ruqsatnama júıesi jáne álemdik tájirıbeniń taldaýy basshylyqqa alyndy.
