Úkimet ruqsat berý qujattaryn qysqartý boıynsha jańa zań jobasyn jasap shyqty
ASTANA. QazAqparat - QR Ulttyq ekonomıka mınıstrligi «QR Ruqsat berý qujattary men ruqsat berý protsedýralaryn qysqartý máseleleri jónindegi keıbir zańnamalyq aktilerge ózgertýler men tolyqtyrýlar engizý týraly» jańa zań jobasyn Parlament Májilisine tanystyrdy.
Zań jobasy Respýblıkalyq bıýdjettik komıssııasynyń otyrysynda maquldandy.
«Zań jobasy 152 ruqsat qaǵazyn qysqartýdy kózdeıdi, bul - shamamen barlyq ruqsat qujattarynyń 39 paıyzy. Bunyń aldynda «QR Kásipkerlik qyzmet úshin jaǵdaıdy túbegeıli jaqsartý jónindegi keıbir zańnamalyq aktilerge ózgertýler men tolyqtyrýlar engizý týraly» zańda biz 42 ruqsat qaǵazyn alyp tastadyq. Ol óz kezeginde barlyq ruqsat qujattarynyń 11 paıyzyn quraıdy. ıAǵnı, ruqsat qujattarynyń 50 paıyzyn qysqartý jónindegi tapsyrmany oryndaý úshin 194 qujatty qysqartý kerek eken», - deıdi QR Ulttyq ekonomıka vıtse-mınıstri Tımýr Jaqsylyqov.
Zań jobasynyń qabyldanýy bızneske salynatyn salmaqty azaıtýǵa, memlekettik organdardyń artyq fýnktsııalaryn alyp tastaýǵa, eldegi kásipkerliktiń órisin keńeıtýge úlken serpin bermek.
Eske sala keteıik, 2014 jyly QR Parlamenti tórtinshi sessııasynyń ashylýynda QR Prezıdenti 2015 jyly ruqsat berý qujattaryn 50 paıyzǵa deıin qysqartýdy tapsyrǵan bolatyn.
Zań jobasy jasaqtalyp jatqanda, elde ruqsat qaǵazdarynyń sany 481 bolǵan. Osy zańnyń aıasynda 7 kodeks pen QR-nyń 30 zańyna ózgertýler enedi.
«Ruqsat qujattaryn qysqartý bıýdjetke salmaq salmaıdy jáne áleýmettik-ekonomıkalyq zardaptar ákelmeıdi. Degenmen ruqsat qaǵazdarynyń kemýi memlekettik kiristerdi 467632,2 myń teńgege azaıtady dep kútilýde», - dedi vıtse-mınıstr.
