Úkimet Prezıdent tapsyrmasyn júzege asyrýdyń is-sharalar josparyn daıyndap jatyr

NUR-SULTAN. QazAqparat - Prezıdent tapsyrmasyn júzege asyrýdyń is-sharalar josparyn daıyndaǵan soń árbir memlekettik organ ózine júktelgen tapsyrmalar týraly tolyq málimet beredi. Bul týraly onlaın brıfıngte QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Búgin Qaraǵandy qalasynda 62 jastaǵy azamat koronavırýstan qaıtys boldy. Osyǵan baılanysty marqumnyń otbasy men jaqyndaryna kóńil aıtamyn. Bolǵan iske sabyr etińizder», - dedi QR Aqparat jáne qoǵamdyq damý mınıstri Dáýren Abaev.

Sondaı-aq, ol keshegi Memleket basshysy Qasym-Jomart Toqaevtyń halyqqa joldaǵan úndeýi jaıly aıtty.

«Prezıdent óz úndeýinde daǵdarysqa qarsy sharalardyń ekinshi paketimen tanystyrdy. Bul sharalar buqaralyq aqparat quraldarynda keń kólemde jarııalanýda. Sonymen birge, Úkimet Prezıdent tapsyrmasyn júzege asyrýdyń is-sharalar josparyn daıyndap jatyr. Daıyn bolǵan kezde árbir memlekettik organ ózine júktelgen tapsyrmalar týraly tolyq málimet beredi. ıAǵnı memlekettiń kómegin, qalaı, qaı jerde, qandaı tártippen alý kerek ekeni naqty túsindiriledi. Qazir bul mehanızmder pysyqtalýda. Sondyqtan úlgermeı qalamyz dep ýaıymdaýdyń qajeti joq. Kómekke muqtaj barlyq adamǵa járdem beriledi, memleket eshkimdi qamqorlyqsyz qaldyrmaıdy», - deıdi ol.