Úkimet Prezıdent saılaýyna qajetti qarajatty bólýdi bastady

ASTANA. QazAqparat –QR Qarjy vıtse-mınıstri Erjan Birjanov kezekten tys Prezıdent saılaýyna bólingen qarajat qaıda jumsalatynyn túsindirdi, dep habarlaıdy QazAqparat tilshisi.

«Jalpy, saılaýdy ótkizýge 20,5 mlrd teńge kózdelgen. Bul qarajat qazirgi ýaqytta bekitildi. Úkimet rezervinen qarajat bólinip jatyr.

Onyń negizgi bóligi - 16,8 mlrd teńgesi nemese 80 paıyzdan astamy jalaqy tóleýge jumsalady. Jergilikti jerlerde saılaý ýchaskeleri qurylady, olardyń músheleri bolady. Jáne de jalaqynyń mólsheri eń tómengi úsh aılyq kóleminen az bolmaý tıis. Ol 180 myń teńgeni quraıdy. ıAǵnı, bólingen qarajattyń basym bóligi jalaqyǵa jumsalady», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Sonymen qatar ol atalǵan qarajat bıýlleten shyǵarýǵa, kólik shyǵystaryn jabýǵa jumsalatynyn aıtty.

«Bárin qosqanda 20,5 mlrd teńge shyǵady. Qarajat negizinen Ortalyq saılaý komıssııasyna beriledi. Qatelespesem, bir bóligi Syrtqy ister mınıstrligine baǵyttalady», - dedi Erjan Birjanov.

Foto: ortcom.kz