Úkimet pen Ulttyq bank makroekonomıkalyq saıasatty júrgizýde baılanysty kúsheıtedi
ASTANA. QazAqparat - Bıyl sapaly ósim óńdeý salalary, qurylys jáne ınvestıtsııalar, sondaı-aq negizinen ShOB shoǵyrlanǵan qyzmet kórsetý sektory arqyly qamtamasyz etilýi tıis, dep habarlaıdy QR UM baspasóz qyzmeti.
Bul oraıda jańa bastamalar boıynsha bólinetin bıýdjet qarajaty ekonomıkaǵa, halyqtyń tabysyna, sonymen qatar ınvestıtsııalyq belsendilikke qoldaý kórsetedi.
Úkimet pen Ulttyq Bank onyń ishinde, halyqtyń ál-aýqatyn arttyrýǵa, ekonomıkalyq ósim sapasyn kóterýge, ınflıatsııalyq protsesterdi tómendetýge jáne qarjy naryǵynyń turaqtylyǵyn qamtamasyz etýge baǵyttalǵan makroekonomıkalyq saıasatty júrgizýde baılanysty kúsheıtedi.
Aıta keteıik, jalpy 2019 jyldyń ekinshi aıynyń qorytyndysy boıynsha ekonomıkanyń barlyq salalarynda jaqsarý betalysy baıqalady - tómendeý oryn alǵan tustarda, aqpan aıynda ósim baıqaldy.
Qańtar-aqpan aılarynda ónerkásiptik óndiris ósimi 2,7% qurady, aýyl sharýashylyǵy ósimi - 3,6%, qurylysy salasynyń ósimi - 2,0%, qyzmet kórsetý salasynyń ósimi - 3,9% boldy.
