Úkimet pen Ulttyq bank 11 mamyrǵa deıin Ekonomıkalyq damýdyń keshendi josparyn daıyndaıdy

NUR-SULTAN. QazAqparat – Biz endi múlde jańa jaǵdaıda ómir súretin bolamyz. Bul týraly QR Prezıdenti Qasym-Jomart Toqaevtyń málimdemesinde atalyp ótti, dep habarlaıdy QazAqparat.

«Biz qazirden bastap daǵdarystan keıingi kezeńge daıyndalýymyz kerek. Bul jóninde Elbasy Qaýipsizdik Keńesiniń 24 sáýirde ótken otyrysynda naqty aıtty. Úkimet pen Ulttyq bank 11 mamyrǵa deıin Ekonomıkalyq damýdy qalpyna keltirý jónindegi keshendi jospardy daıyndaıdy. Onda daǵdarystan zardap shekken salalarǵa qoldaý kórsetý sharalary qamtylady», - dedi Prezıdent.

Qasym-Jomart Toqaevtyń paıymynsha, búginde elimiz damýdyń jańa deńgeıine qadam basyp otyr.

«Shyn máninde, biz endi múlde jańa jaǵdaıda ómir súretin bolamyz. Sondyqtan ekonomıkaǵa jáne memlekettik basqarý júıesine aýqymdy ári mańyzdy ózgerister qajet», - dedi Memleket basshysy.