Úkimet pen Parlamenttiń ókilettikterin kúsheıtý olardyń jaýapkershiligin arttyrady - sarapshy
«Menińshe, ekonomıkalyq ózgerister men reformalardyń saıası túrlenýimen qatarlasa oryn alýy óte mańyzdy aspekti sanalady. Buǵan qosa, ol aldaǵy ýaqytta júzege asyrylatyn reformalardyń tabysty bolýynyń kepili de. ıAǵnı, olardy ekonomıkalyq ta, saıası da salalarda jedeldetý qajet. Taǵy bir mańyzdy másele Qazaqstannyń aýmaqtyq tutastyǵyna qatysty bolyp otyr. Degenmen, bul bap qazirgi Konstıtýtsııa nusqasynda bolǵanymen ol Táýelsizdik dep atalatyn tarmaqpen kúsheıtiledi. Qazirgi álemde Qazaqstanǵa, onyń aýmaqtyq tutastyǵyna qatysty keıbir saıasatkerlerdiń aıtqan pikirlerin eskerer bolsaq, bul bap syrtqy arenada halyqaralyq quqyq turǵysynan Qazaqstandy qorǵaı túsedi», - dedi ol.
Osy oraıda sarapshy Úkimet pen Parlamenttiń ókilettikterin kúsheıtý olardyń saılaýshylar men halyq aldyndaǵy jaýapkershiligin arttyra túsetindigin aıtty.
«Árıne, memlekettik baǵdarlamalardyń qyzmeti barynsha ashyq bola túsedi. Buǵan qosa, memlekettik baǵdarlamany júzege asyrý jaýapkershiligi de artady. ıAǵnı, túrli aralyq býyndar bolmaıdy, bir-birine nemese joǵary satyǵa jaýapkershilikti yǵystyrý oryn almaıdy. ıAǵnı, naqty memlekettik baǵdarlamaǵa belgili bir mınıstrlik, vedomstvo nemese tolyqtaı alǵanda Úkimet jaýap beredi. Soǵan sáıkes memlekettik baǵdarlamanyń tabysty bolýyna nemese nátıjesizdigine kim jaýap beretindigi aıqyndalady», - dedi ol.
