Úkimet pen Parlament qandaı jaǵdaıda jumys isteıdi - aptalyq sholý
Joǵaryda aıtqanymyzdaı, 27 aqpanda Memleket basshysy Nursultan Ábishuly Nazarbaevtyń Reseı prezıdenti Vladımır Pýtınmen resmı kezdesýi ótti. Atalǵan kezdesýde ekijaqty yntymaqtastyqtyń birqatar máseleleri, sondaı-aq aımaqtyq jáne xalyqaralyq máseleler talqylandy.
Aqpan aıynyń sońǵy kúnine tuspa-tus kelgen osy aptadaǵy Úkimet otyrysynda aýyl sharýashylyǵyn damytý men bilim berý salalarynyń bolashaǵy talqylandy. Ásirese, Bilim jáne ǵylym mınıstri Erlan Saǵadıevtiń «taýsylmaıtyn» reformalarynyń biri - «Kúndelik» jobasy halyqtyń da, Premer-mınıstr Baqytjan Saǵyntaevtyń da synyna ilikti.
«Elektrondy kúndelik» júıesine qatysty qoǵam kózqarasy ártúrli. Nege olaı? Eger ol barlyǵyna paıdaly bolsa, qoǵam nege qatty talqylap jatyr? Adamdardyń qarsy bolatyn tustary bar shyǵar, múmkin. Biz buny bilmeımiz, degenmen ata-analarda, muǵalimderde birqatar kelispeýshilikter týyndap jatqanǵa uqsaıdy. Sondyqtan osynda aıtylǵan máselelerdiń barlyǵy qoǵam talqysyna salynǵany jón. Biz bul jobaǵa qarsy emespiz, eger ıgilikke jarap jatsa, «Tsıfrlyq Qazaqstan» aıasynda jetildirýge daıynbyz», - dedi B. Saǵyntaev Úkimet otyrysynda Bilim jáne ǵylym mınıstri Erlan Saǵadıevke qarata aıtqan sózinde.
Joǵaryda aıtqanymyzdaı, Parlament palatalarynyń búgingi birlesken otyrysynda Memleket basshysy Konstıtýtsııanyń 26-babyna ózgeris engizilmeıtinin aıtty. Al, sál erterek, 1 naýryz kúni Aqordada bılik tarmaqtarynyń ókilettikterin qaıta bólý máselesin jalpyhalyqtyq talqylaýǵa salǵan kezde Elbasy Qazaqstan Konstıtýtsııasynyń 23 babyna ózgerister engiziletinin aıtqan edi.
«Biz úshin bir aıqyn másele - Qazaqstannyń negizgi saıası modeli saqtalady. Prezıdenttik respýblıka bolyp qala beredi. Sonymen birge memlekettik basqarý júıesi dáýir talabyna saı ıkemdi bolýy tıis. Reformalardyń nátıjesinde bıliktiń bir tarmaǵy ókilettigin tolyq ıelenip, derbes jumys isteıdi. Soǵan sáıkes, ár tarmaǵy jaýapkershilikti de sezinýi tıis. Ókiletti bıliktiń Úkimet pen atqarýshy organdarǵa baqylaýy kúsheıedi», - dep atap ótti Memleket basshysy.
Qazaqstan Prezıdenti Nursultan Nazarbaev jalpyhalyqtyq talqylaý kezinde el bolashaǵy úshin aıryqsha mańyzdy osy qujattyń taǵdyryn qazaqstandyqtar birge sheshýi kerek dep atap ótken bolatyn.
«Ári qaraı ne isteýimiz kerek ekendigine búgin qorytyndy jasap, qashan Parlamentke talqylaýǵa túsetindigin kelisýimiz kerek. Konstıtýtsııanyń 23 babyna ózgeris engiziletin boldy, zańdarǵa 35 ózgeris engiziledi. Bul jerde aıta ketetin negizgi másele osynyń barlyǵy Prezıdenttegi ókilettikterdi basqa tarmaqtarǵa berý bolyp otyr. Ózderińiz de bilesizder, basqa elderde, kerisinshe, prezıdenttiń ókilettigin joǵarylatý úshin referendýmdar ótkizip, konstıtýtsııalyq ózgerister engizip jatyr. Bizde, kerisinshe. Sebebi 25 jyldyń ishinde prezıdenttik basqarý júıesi óziniń aldyna qoıǵan halyq aldyndaǵy maqsatyn oryndady», - dedi Nursultan Nazarbaev.
Al, qos palatanyń birlesken otyrysynda Memleket basshysy Nursultan Nazarbaev el bıliginiń jumysyna tikeleı qatysty mándi, ıaǵnı, Úkimet pen Parlament qandaı jaǵdaıda jumys isteıtindigin túsindirdi.
«Birinshiden, jańa zań memlekettik isterde Parlamenttiń rólin aıtarlyqtaı kúsheıtedi. Onyń ishinde Úkimetti qalyptastyrýda ókilettigi artady. Endi Parlamenttiń zańnamalyq bılik bolyp tabylatyndyǵy jazylatyn bolady, buryn «zańnamalyq qyzmetterdi júzege asyrady» dep tujyrymdalǵan edi. ıAǵnı, ol endi naqtylandy. Úkimettiń derbestigi arta túsedi, oǵan ekonomıkany tikeleı basqarý boıynsha ókilettik beriledi. «Konstıtýtsııalyq baqylaýdyń júıesi nyǵaıady. Eń bastysy, konstıtýtsııalyq deńgeıde bizdiń Táýelsizdigimizdiń turaqtylyǵynyń, birkelkiliktiń, aýmaqtyq tutastastyqtyń jáne basqarý formasynyń kepildigi bekitiledi»,-dep atap ótti Prezıdent.
Elbasynyń tapsyrmasy boıynsha Úkimet zań jobasyn daıarlady, onda Prezıdentten atqarýshy jáne zań shyǵarýshy organdarǵa 35 ókilettik qosymsha beriletini eskerilgen. Konstıtýtsııada 23 ókilettik qarastyrylǵan jáne onyń 35-i zańdarda jazylǵan, ıaǵnı olar Parlament pen Úkimetke beriledi.
Osy rette ekonomıkany, qarjyny, memlekettik múlikti basqarý, ákimshilik-aýmaqtyq máseleler qamtylǵan.
«Búginde bizde joǵary kásibı bılik tarmaqtary bar ekendigine senimdimin, olar ózderine jaýapkershilikti alýǵa, óz betinshe elge qajetti sheshimderdi qabyldaýǵa qaýqarly»,-dep atap ótti Nazarbaev.
