Úkimet pen Kásipodaqtary federatsııasy arasynda sheshimin tappaǵan túıtkildi problemalar joq - S. Muqashev
aýsymnyń 2-si. QazAqparat /Ernur Aqanbaı/ - Úkimet pen Qazaqstannyń Kásipodaqtar federatsııasy arasynda sheshimin tappaǵan qandaı da bir túıtkildi problemalar joq. Erteń Astanada ótetin Kásipodaqtar federatsııasynyń HHII seziniń qarsańynda oǵan qatysýshy delegattardyń Premer-Mınıstr Kárim Másimovpen kezdesýinde atalmysh federatsııanyń tóraǵasy Sııazbek Muqashev osylaı aıtty,
dep habarlaıdy QazAqparat.
Onyń aıtýynsha, Úkimet pen Kásipodaqtar federatsııasy arasynda anda-sanda qandaı da bir máseleler týyndap jatady. Al, jalpy alǵanda taraptar bir-birin qoldap, ózara túsinistikte jumys istep keledi. «Bizderdiń aramyzda eshqandaı da máseleler joq. Biz Eńbek jáne halyqty áleýmettik qorǵaý mınıstrligimen jáne basqa da salalyq mınıstrliktermen birge ózara tyǵyz yntymaqtastyqta jumys istep kelemiz», dedi S. Muqashev.
Onyń sózine qaraǵanda, osy jyldar ishinde Qazaqstannyń kásipodaqtary úshin sońǵy bes jyl barynsha jemisti boldy. Qazirgi tańda elimizdegi kásipodaqtarǵa 2 mıllıonnan astam adam múshe.
