Úkimet pen ákimderdiń jumys qarqynynda birde-bir kúndi joǵaltýǵa jol bermeý kerek - saıasattanýshy
ASTANA. QazAqparat - Úkimet pen ákimderdiń jumys qarqynynda birde-bir kúndi joǵaltýǵa jol bermeý kerek. Bundaı pikirdi búgin Astanada ótip jatqan «Qazaqstandyq jol - bolashaǵy bir ult» atty halyqaralyq saıasattanýshylar kongresinde Danııar Áshimbaev málim etti.
«Úkimettiń keńeıtilgen otyrysynda sóılegen sózinde Memleket basshysy birqatar aspektilerdi atap, bolashaq úshin óte qyzyqty baǵyttardy naqtylady. Shyn máninde bizde memlekettik baǵdarlamalar artylyp otyr jáne olar ózara qıylysatyn tustar bar. Sonymen qatar áleýmettik turǵyda qoldaýǵa táýeldilik jaǵdaıy problemasy da bar», - dep toqtaldy D. Áshimbaev.
Onyń sózine qaraǵanda, Memleket basshysy sóılegen sózinde saılaýaldy baǵdarlamasyndaǵy kóptegen aspektelerdi ashyp otyr. Onda baǵdarlamada kórsetilgen sharalardy iske asyrý boıynsha jumysty qalaı uıymdastyrýdyń baǵyty aıqyndalǵan.
Prezıdent Úkimet pen ákimder korpýsyn ózgerissiz qaldyrǵanyna toqtalǵan sarapshy, bul óz kezeginde búginde jumys qarqynynda birde-bir kúndi joǵaltýǵa jol bermeýdi bildiretindigin atap ótti.
Esterińizge sala keteıik, keshe Aqordada Úkimettiń keńeıtilgen otyrysynda Elbasy Nursultan Nazarbaev memlekettik baǵdarlamalar sanyn qysqartýdy júktegen bolatyn. Osy oraıda Prezıdent memlekettik baǵdarlamalardyń sanyn qysqartý qajet ekenin, al salalyq baǵdarlamalardy múldem alyp tastaý kerektigin atap ótti. Salalyq baǵdarlamalardyń mańyzdy tustary strategııalyq josparlarǵa qosylatyn bolady.
