Úkimet Parlament depýtattarymen birge tıimdi jáne júıeli jumys júrgizedi – Asqar Mamın
«Jol kartasy jobasynyń árbir tarmaǵy pysyqtalyp, olardyń oryndalýy tıisti memlekettik organǵa jáne naqty basshyǵa bekitildi. Barlyq josparlanǵan is-sharalar partııanyń saılaýaldy baǵdarlamasyn tıimdi, ári sapaly júzege asyrýǵa baǵyttalǵan. Úkimet jol kartasynyń ýaqytyly oryndalýyn tolyq qamtamasyz etedi», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.
Onyń aıtýynsha, usynylǵan sharalardy iske asyrý - saılaýaldy baǵdarlamanyń barlyq mindetterin tolyǵymen sheshýge jáne jańa jaǵdaıda halyqtyń turmys sapasy men ál-aýqatynyń naqty jaqsartýǵa múmkindik beredi.
«Osy baǵytta Úkimet NurOtan partııasynyń Parlamenttegi fraktsııasymen birge tıimdi jumys jasaıtyn bolady. Baǵdarlamanyń júzege asýynyń zańnamalyq negizin qamtamasyz etýde Fraktsııanyń róli úlken. Aldaǵy ýaqytta da Úkimet Parlament depýtattarymen birge tıimdi jáne júıeli jumys júrgizetine senimdimin. Osyndaı elimiz úshin jaýapty kezeńde Úkimet Parlamenttiń belsendi qoldaýymen aldymyzda turǵan mindetterdi tıimdi iske asyrý úshin bar kúsh-jigerin jumsaıtyn bolady», - dedi Asqar Mamın.
