Úkimet ózin ózi jumyspen qamtyǵan 865 myń adamdy ónimdi eńbekpen qamtamasyz etýdi kózdeıdi
Búgin Senatta «Qazaqstan Respýblıkasynda zeınetaqymen qamsyzdandyrý týraly» jáne «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» zań jobalarynyń tanystyrylymy barysynda Eńbek jáne halyqty áleýmettik qorǵaý mınıstri Sárik Ábdenov osylaı málim etti.
Mınıstrdiń aıtýynsha, búgingi kúni azamattardyń zeınetaqy júıesine jınaq aýdarý máselesi Úkimettiń erekshe nazarynda. Óıtkeni on jyldan keıin zeınetaqy júıesine qatyspaǵan adamdar jınaq júıesindegi bir de bir tıynǵa quqy bolmaıdy. Osy máselemen Úkimettiń arnaıy jumys toby aınalysyp jatyr.
«Búgingi kúni úı sharýashylyǵymen aınalysyp otyrǵan azamattardyń jaǵdaıy da aldaǵy ýaqytta eskeriledi. Jumyspen qamtý baǵdarlamasynyń aıasynda olardy barynsha ashyq jumystarǵa tartý qarastyrylady. Máselen, bir jarym jyldyń ishinde segiz jarym myń adam shaǵyn nesıemen qamtyldy. Budan bólek, bıyl jalpy shaǵyn nesıege bólinetin qarajatty Úkimet eki esege deıin arttyryp otyr. Al 2020 jylǵa deıin ózin ózi jumyspen qamtyǵandardyń arasynda 865 myń adam ónimdi eńbekpen qamtamasyz etiletin bolady», dedi S. Ábdenov.