Úkimet óz moınyndaǵy áleýmettik mindettemelerdi tolyq kólemde oryndaıdy
«Úkimet tolyq kólemde ózine alǵan mindettemelerdi oryndaıtyn bolady. Buǵan qosa Qazaqstanda qyzmetkerlerdiń jumystan bosatylýyn boldyrmaý boıynsha sharalar qabyldanyp, jumyssyzdardy jáne ózdiginen ónimsiz eńbekpen shuǵyldanatyndardy jumyspen qamtýǵa járdemdesý boıynsha sharalar júzege asyrylady», - dedi ol.
Sondaı-aq mınıstr óz sózinde aǵymdaǵy jyldyń 1 qańtarynan bastap barlyq zeınetaqy tólemderi 9 paıyzǵa, al bazalyq zeınetaqy jáne járdemaqy tólemderi 7 paıyzǵa óskenin atap ótti.
«Jalpy 2015 jyly áleýmettik tólemderge 1,6 trln. teńge, densaýlyq saqtaý salasyna 678 mlrd. teńge qarastyrylady. Al osy 1,6 trn. teńge zeınetaqy men basqa da tólemderge baǵyttalady. Sondyqtan jyl sońyna deıin halyq áleýmettik tólemderdi der ýaqytynda alyp otyratyn bolady», - dedi mınıstr.