Úkimet otyrysynda turmystyq qatty qaldyqtardy basqarýdyń biryńǵaı ortalyǵyn qurý usynyldy
ASTANA. QazAqparat - «Jasyl Damý» AQ-nyń bazasynda turmystyq qatty qaldyqtardy basqarý boıynsha biryńǵaı ortalyq qurylmaq.
Bul týraly búgin Úkimet otyrysynda Turmystyq qatty qaldyqtardy (TQQ) basqarý júıesin jańǵyrtý baǵdarlamasynyń jobasyn tanystyrý kezinde QR Qorshaǵan orta jáne sý resýrstary mınıstri Nurlan Qapparov málim etti.
«Barlyq múddeli taraptardyń (memlekettik jáne jeke sektor) qyzmetin úılestirý men tyǵyz is-qımyly maqsatynda mınıstrliktiń enshiles kompanııasy, ıaǵnı «Jasyl Damý» AQ-nyń bazasynda turmystyq qatty qaldyqtardy basqarý boıynsha biryńǵaı ortalyqty qurý usynylýda»,-dedi mınıstr.
Onyń sózine qaraǵanda, qazirgi kezde Qazaqstanda ákimdikter, ınvestorlar jáne qaldyq shyǵaratyn kompanııalar arasynda kelisimsharttyq ózara qarym-qatynastyń pysyqtalmaǵan qurylymy turǵysynda qaldyqtardy qaıta óńdeý zaýyttarynyń tıisti deńgeıde jumys istemeýi baıqalýda.
Atalǵan ortalyq bul problemalardy sheship, ákimdikter men ınvestorlar úshin kómekshi qyzmetin atqarmaq.
