Úkimet otyrysynda Sochı olımpıadasyna daıyndyq barysy qaralady
ASTANA. 3 jeltoqsan. QazAqparat - 5 jeltoqsanda Premer-Mınıstr Serik Ahmetovtiń tóraǵalyǵymen ótetin Úkimet otyrysynda Qazaqstan quramasynyń Sochı olımpıdasyna daıyndyǵy máselesi qaralady. Bul týraly búgin Astanadaǵy brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
Resmı ókildiń sózine qaraǵanda, QR Sport jáne dene shynyqtyrý agenttiginiń tóraǵasy Tastanbek Esentaev Qazaqstan Respýblıkasy qurama komandasynyń 22 qysqy olımpıada oıyndaryna daıyndyǵy barysyn baıandaıtyn bolady. Qazaqstan qysqy sport túrlerin damytýǵa basa nazar aýdaryp otyrǵandyǵyna toqtalǵan A. Ábıbýllaev: «Sochıde ótkeli otyrǵan olımpıadada ulttyq quramamyz jeńisti kúnderimen qýantady degen úmittemiz», - dedi.
