Úkimet otyrysynda ruqsattamalyq qujattardy bıyldyń sońyna deıin elektrondyq sanatqa kóshirý máseleleri qaralady
ASTANA. 26 qarasha. QazAqparat - 27 qarashada Qazaqstan Respýblıkasynyń Premer-Mınıstri Serik Ahmetov Úkimet májilisin ótkizedi.
Búgin Astanada ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etkendeı, kún tártibinde 2013-2015 jyldarǵa arnalǵan respýblıkalyq bıýdjet týraly Zańdy jáne «Aqparattyq Qazaqstan - 2020» memlekettik baǵdarlamasyn júzege asyrýmen baılanysty máseleler qarastyrylady.
Sondaı-aq, Úkimet músheleri áleýmettik-mańyzdy qyzmetterdi, lıtsenzııalardyń barlyq túrlerin jáne anaǵurlym suranysqa ıe ruqsattamalyq qujattardy 2012 jyldyń sońyna deıin elektrondyq sanatqa kóshirý máselelerin de qarastyrmaq.
Sonymen qatar, aldaǵy aptada Úkimet basshysy eldiń áleýmettik-ekonomıkalyq damýy máselesi boıynsha birqatar jumys májilisterin ótkizýdi josparlap otyr.
