Úkimet otyrysynda óńirlerdiń damýy máselesi qaralady
ASTANA. 1 qazan. QazAqparat - QR Úkimetiniń resmı ókili Erjan Ashyqbaev Qazaqstan Respýblıkasy Premer-Mınıstri Serik Ahmetovtiń osy aptaǵa jumys kestesin habarlady.
«Erteń Premer-Mınıstr óńirlerdiń damýy máselesi jóninde Úkimet otyrysyn ótkizedi», - dedi resmı ókil.
Sonymen qatar Memleket basshysynyń agroónerkásiptik keshenin damytý týraly tapsyrmasyn júzege asyrý aıasynda Serik Ahmetov osy aptada oblys basshylarymen selektorlyq keńes ótkizedi.
Úkimet basshysynyń jumys kestesinde elde buqaralyq sportty damytý týraly selektorlyq keńes te bar.
«Juma kúni Premer-Mınıstrdiń basshylyǵymen Úkimet músheleri «Nur Otan» Halyqtyq Demokratııalyq partııasy fraktsııasynyń keńeıtilgen otyrysyna qatysady. Otyrystyń negizgi taqyryby - 3 jyldyq respýblıkalyq bıýdjet jobasyn talqylaý», - dedi E. Ashyqbaev.
