Úkimet otyrysynda oqýshylardyń jazǵy demalysy máselesi qaralady
ASTANA. 20 mamyr. QazAqparat - Búgin Astanada ótken dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etkendeı, erteń Úkimet otyrysynda eki másele qaralatyn bolady.
«Erteń, 21 mamyrda QR Premer-Mınıstri Serik Ahmetovtiń tóraǵalyǵymen Úkimet otyrysy ótedi. Onda kólik joldary salasynyń damýy máseleleri talqylanady. Osy saladaǵy basty memlekettik saıasat pen vedomstvonyń atqaryp otyrǵan is-sharalary jaıynda QR Kólik jáne kommýnıkatsııa mınıstri Asqar Jumaǵalıev baıandaıdy»,-dedi ol.
Budan bólek, aldaǵy jazǵy demalysta oqýshylardyń bos ýaqyty men saýyqtyrý boıynsha jumystardy uıymdastyrý turǵysyndaǵy josparlar týraly QR Bilim jáne ǵylym mınıstri Baqytjan Jumaǵulov baıandaıdy dep kútilýde.
