Úkimet otyrysynda monoqalalardy damytý máselesi qaralady
ASTANA. 9 qyrkúıek. QazAqparat - Erteń Úkimet otyrysynda monoqalalardy damytý máselesi qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Elimizde monoqalalardy damytýdyń 2012-2020 jyldarǵa arnalǵan baǵdarlamasy bekitilgen bolatyn. 27 monoqaladaǵy 1 mln. 530 myń halyqqa baǵyttalǵan bul baǵdarlamanyń basty maqsaty - jergilikti ekonomıkany ártaraptandyrý, shaǵyn jáne orta bıznesti damytý, sondaı-aq jańa óndiris oryndaryn ashyp, jańa jumys oryndarymen halqymyzdy qamtamasyz etý», - dedi resmı ókil.
Atap aıtqanda, Úkimet otyrysy barysynda baǵdarlamany iske asyrý barysy jáne osy baǵytta aldaǵy atqarylatyn mańyzdy qadamdar keńinen talqylanatyn bolady.
