Úkimet otyrysynda «Memlekettik múlik týraly» Zańnyń júzege asyrylýy jónindegi is-sharalar josparynyń jobasy qaraldy
ASTANA. 24 naýryz. QazAqparat Búgin Úkimet úıinde Qazaqstan Respýblıkasynyń Premer-Mınıstri Kárim Másimovtiń tóraǵalyq etýimen QR Úkimetiniń otyrysy ótti,
dep habarlaıdy Úkimet basshysynyń baspasóz qyzmeti.
Otyrys barysynda «Memlekettik múlik týraly» Zańnyń júzege asyrylýy jónindegi is-sharalar josparynyń jobasy qaraldy.
«Memlekettik múlik týraly» Zańdy júzege asyrýǵa qajetti is-sharalar josparynyń jobasyn Ekonomıkalyq damý jáne saýda mınıstri Janar Aıtjanova tanystyrdy.
Jobaǵa memlekettik múlik salasyndaǵy memlekettik basqarý júıesin damytýdy qamtamasyz etý jónindegi keshendi is-sharalar, memlekettik múlikke beriletin jekemenshik quqyǵyn alýy, ıelik etýi, paıdalanýy, esepke alýy, monıtorıng jasaýy, ony paıdalanýdaǵy baqylaý men basqarýdyń tıimdiligin baǵalaý, respýblıkalyq jáne jergilikti deńgeıdegi memlekettik jekemenshik quqyǵyn toqtatý engizilip, zań talaptaryn oryndaý boıynsha is-sharalardy atqarýdyń naqty ýaqyty qarastarylǵan.
Talqylaý qorytyndysy boıynsha QR Úkimet basshysy ortalyq jáne jergilikti atqarý organdaryna az ýaqyt ishinde osy qujatqa usynystar men eskertýler engizýdi tapsyrdy.
Ekonomıkalyq damý mınıstrligi is-sharalar josparynyń jobasyn pysyqtaıdy jáne ony Úkimet qaraýyna engizedi.
