Úkimet otyrysynda Qazaqstandaǵy qurylys ındýstrııasynyń damýy qaralady
ASTANA. 13 mamyr. QazAqparat - 14 mamyrda Qazaqstan Úkimetiniń otyrysynda elimizdegi qurylys ındýstrııasynyń damýy men «Qoljetimdi turǵyn úı» baǵdarlamasynyń iske asý barysy qarastyrylady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev aptalyq brıfıngte málim etti.
«Sonymen qatar qýat kózderin únemdi paıdalaný jáne osy salanyń búgini men erteńi týraly Qazaqstan Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev baıandaıdy»,-dedi resmı ókil.
