Úkimet otyrysynda iri qara mal etiniń eksporttyq áleýetin damytýdyń 2011-2015 jyldarǵa arnalǵan jospary talqylanady
ASTANA. QazAqparat - Erteń QR Úkimet basshysy Serik Ahmetovtiń tóraǵalyǵymen ótetin Úkimet otyrysynda iri qara mal etiniń eksporttyq áleýetin damytýdyń 2011-2015 jyldarǵa arnalǵan josparynyń oryndalý barysy talqylanady. Bul týraly búgin Ortalyq kommýnıkatsııalar qyzmetiniń resmı ókili Altaı Ábıbýllaev dástúrli brıfıngte málim etti.
«Bul baǵdarlamany oryndaý barysy jaıly elimizdiń aýyl sharýashylyǵy mınıstri Asyljan Mamytbekov pen oblys ákimderi, sondaı-aq, iri qalalardyń ákimderi de baıandama jasaıdy», - dep atap ótti ol.
Sonymen qatar, resmı ókildiń habarlaýynsha, 18-19 aqpanda Premer-Mınıstrdiń birinshi orynbasary Baqytjan Saǵyntaev bastaǵan úkimettik delegatsııa Mınıskide ótetin Eýrazııalyq ekonomıkalyq komıssııa keńesiniń otyrysyna qatysady.
