Úkimet otyrysynda halyqty jumyspen qamtý jáne aýyl sharýashylyǵy ónimderin qaıta óńdeý máseleleri qaralady

ASTANA. 18 jeltoqsan. QazAqparat - Erteń, 19 jeltoqsanda Úkimet otyrysynda halyqty jumyspen qamtý jáne aýyl sharýashylyǵy ónimderin qaıta óńdeý máseleleri qaralady. Bul týraly QR Premer-Mınıstrdiń resmı saıty habarlady.

Úkimet basshysy Serik Ahmetovtiń tóraǵalyǵymen ótetin otyrys barysynda «Jumyspen qamtýdyń jol kartasy - 2020» baǵdarlamasynyń júzege asyrylý barysy sóz bolady. Sondaı-aq Qazaqstan Respýblıkasy terrıtorııasyn uıymdastyrýdyń bas syzbasynyń negizgi erejelerin jáne 2013-2020 jyldarǵa arnalǵan aýyl sharýashylyǵy ónimderi men azyq-túlik ónerkásibin damytý boıynsha is-sharalardyń keshendi josparyn talqylaý josparlanǵan.

Atalǵan máseleler boıynsha QR Eńbek jáne halyqty áleýmettik qorǵaý mınıstri Tamara Dúısenova, Óńirlik damý mınıstri Bolat Jámishev, Aýyl sharýashylyǵy mınıstri Asyljan Mamytbekov baıandama jasaıdy.