Úkimet otyrysynda energııa únemdeý máselesi talqylanady
ASTANA. 26 tamyz. QazAqparat - Osy aptada dástúrli Úkimet otyrysynda energııa únemdeý máselesi talqylanady. Bul týraly búgin Astanadaǵy dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Erteń QR Premer-Mınıstri Serik Ahmetovtiń tóraǵalyǵymen ótetin dástúrli Úkimet otyrysynda «Energııa únemdeý - 2020» baǵdarlamasynyń oryndalý barysy qaralady»,-dedi resmı ókil.
Osyǵan oraı ol Qazaqstanda Jasyl ekonomıkany damytýdyń memlekettik tujyrymdamasy qabyldanǵanyn eske salyp ótti.
Aıta keteıik, búginde elimizde energııa únemdeý salasyna erekshe nazar aýdarylýda. Bul turǵyda 2017 jyly ótetin «EKSPO» kórmesiniń de taqyryby energııa únemdeýge negizdelgen.
Budan bólek 28 tamyzda S. Ahmetov Ekonomıkalyq saıasat jónindegi keńestiń kezekti otyrysyn ótkizedi dep kútilýde.
