Úkimet otyrysynda aýyl sharýashylyǵy ónimderin óńdeý salasy qaralady

ASTANA. 7 qazan. QazAqparat - Erteń Úkimet otyrysynda aýyl sharýashylyǵyndaǵy óńdeý máselesi qaralady. Bul týraly búgin Astanadaǵy brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«8 qazanda aýyl sharýashylyǵy ónimderin qaıta óńdeý salasyn damytý máselelerin talqylaý maqsatynda Premer-Mınıstri Serik Ahmetov Úkimet otyrysyn ótkizedi. Qaıta óńdeý - qazaqstandyq ónimderdiń básekelestikke jolyn ashatyn aýyl sharýashylyǵynyń óte mańyzdy baǵyty», - dep toqtaldy resmı ókil.

Atap aıtqanda Úkimet otyrysy barysynda Aýyl sharýashylyǵy mınıstrliginiń óńdeýshi kásiporyndardyń básekege qabilettiligin arttyrý maqsatynda qabyldaǵan biryńǵaı Keshendi jospary týraly atalǵan vedomstvonyń basshysy Asyljan Mamytbekov baıandaıdy.