Úkimet otyrysynda astyq jınaý naýqanynyń máseleleri qaraldy
ASTANA. QazAqparat - Búgin QR Premer-Mınıstri Kárim Másimovtiń tóraǵalyǵymen Úkimet Úıinde kezekti otyrys ótti, dep habarlaıdy primeminister.kz.
Kún tártibinde aǵymdaǵy jylǵy astyq jınaý naýqanyn júzege asyrý máseleleri qaraldy.
«Oblystyq aýyl sharýashylyǵy basqarmalarynyń málimetterine qaraǵanda, 28 qyrkúıekte 11 mln. ga dándi daqyldar nemese jınalatyn aýmaqtyń 74,7% jınaldy. 13,2 mln. tonna dán bastyryldy. Ónimdilik - 12 ts/ga. Bul ótken jylǵy kórsetkishten 0,4 tsentnerge joǵary», - dedi QR Aýyl sharýashylyǵy mınıstri Asyljan Mamytbekov.
Onyń málimetterine qaraǵanda, dándi daqyldar egiletin úsh negizgi aımaqta 8,1 mln. ga nemese 71,5% jınaldy. 9,4 mln. tonna bastyryldy. Ortasha ónimdiligi 11,6 ts/ga. Osylaısha, Aqmola oblysynda 3,1 mln. ga astam (75,9%), Qostanaı oblysynda - 2,6 mln. ga (64,8%), Soltústik Qazaqstan oblysynda- 2,4 mln. ga (74%) jınaldy.
«Qazan aıynda jyly, jaýyn-shashyn normaǵa sáıkes bolady dep kútilýde. Mal azyǵyn daıyndaý josparly túrde júzege asyp jatyr», - dedi Aýyl sharýashylyǵy mınıstri.
A.Mamytbekov aýa raıy qolaıly bolǵan jaǵdaıda egin jınaý naýqanyn 10-15 kúnnen keıin aıaqtaý josparlanǵanyn aıtty.
