Úkimet otyrysy: N.Nazarbaev ekonomıkalyq jobalardy qaıta qarap shyǵýdy tapsyrdy
ASTANA. 27 qańtar. QazAqparat /Arman Asqarov/ - Búgin Úkimet úıinde jumys keńesin ótkizgen Prezıdent Nursultan Nazarbaev Indýstrııalandyrý kartasy aıasynda qolǵa alynǵan jobalardy qaıta qarap shyǵýdy tapsyrdy.
«Indýstrııalandyrý kartasy aıasyndaǵy 30 iri joba jalpy ınvestıtsııanyń 90 paıyzyn alyp otyr. Osy jobalardyń tek 5-ýi ǵana daıyn ónimdi shyǵarýdy kózdeıdi. Al 11 joba bizge múldem qajet emes ónimdi shyǵarýmen aınalysady. 220 joba aıasynda ınvestıtsııanyń 80 paıyzy munaı-gaz ben taý-ken salasyna baǵyttalyp otyr. Bul naqty úılestirý jumysynyń joqtyǵyn kórsetse kerek», - dep atap kórsetti N.Nazarbaev.
Osyǵan oraı, Elbasy Úkimet basshysy Kárim Másimovke, onyń orynbasary Serik Ahmetov pen «Samuryq-Qazyna» qorynyń tóraǵasy Ómirzaq Shókeevke árbir jobany qaıta qarap, onyń el ekonoımkasyna qanshalyqty paıdaly ekendigin zerdelep shyǵýdy tapsyrdy.
