Úkimet otyrysy: 2019 jyly 120-ǵa jýyq joba iske qosylady

ASTANA. QazAqparat - 2019 jyly 1,1 trln teńgeniń 120-ǵa jýyq joba iske qosylady. Bul týraly búgin Úkimettiń keńeıtilgen otyrysynda Indýstrııa jáne ınfraqurylymdyq damý mınıstri Jeńis Qasymbek aıtty, dep habarlaıdy QazAqparat tilshisi.

«2019 jyly jalpy somasy 1,1 trln teńge bolatyn 120-ǵa jýyq jobany iske qosý josparlanyp otyr. Bul jobalar boıynsha 20 myń turaqty jumys orny qurylady»,- dedi mınıstr.

onyń dereginshe,bazalyq metaldarǵa qatysty álemdik baǵanyń tómendeýine, negizgi saýda áriptesterge qatysty sanktsııalarǵa jáne basqa da syrtqy faktorlarǵa qaramastan, 2018 jyldyń qorytyndysy boıynsha ónerkásip 4,1 paıyzǵa ósti. Bul taý-ken sektorynyń 4,6 jáne óńdeýshi ónerkásiptiń 4 paıyzǵa ozyq qarqynmen ósýi esebinen oryndaldy.

Ónerkásip salasy boıynsha óńirler arasynda Atyraý, Shyǵys Qazaqstan, Qostanaı, Aqmola oblystary men Astana qalasy kósh bastap keledi. Sonymen birge, keıbir óńirlerde kórsetkishtiń tómendeýi baıqalady. Olar: Qyzylorda, Batys Qazaqstan jáne Túrkistan oblystary.

«Indýstrııalandyrý baǵdarlamasyn iske asyrý kezeńinde jalpy quny 7,9 trln teńge bolatyn 1 250-den astam joba iske qosylyp, 120 myń turaqty jumys orny quryldy. Al, 2018 jyly quny 1,3 trln teńge bolatyn 100 joba iske qosylyp, 13 myńnan astam turaqty jumys orny ashyldy», - dedi Jeńis Qasymbek.