Úkimet óńirlerde shaǵyn avıatsııany damytatyn baǵdarlama ázirleıdi
«Samuryq-Qazyna» qory 2020 jyly memlekettik holdıngtiń basqarýyndaǵy áýe kompanııalarynyń parkin ulǵaıtýdy jáne ushý gegorafııasyn keńeıtýdi qamtamasyz etýi kerek. Sonymen birge, avatsııa salasyn odan ary damytý maqsatynda shaǵyn avıatsııany damytýy qajet. 2025 jylǵa deıingi «Nurly jol» baǵdarlamasynda bul másele qarastyrylǵan. Indýstrııa jáne ınfraqurylymdyq damý mınıstrligi múddeli memlekettik organdarmen, ákimdiktermen birlesip, óńirlerde shaǵyn avıatsııa men aerodromdardy damytý jónindegi baǵdarlamany ázirleýdi jáne qabyldaýdy jedeldetýi tıis», - dedi Asqar Mamın Úkimet otyrysynda.
Úkimet basshysynyń aıtýyna qaraǵanda, áýe bıletteriniń baǵasyn tómendetýge baǵyttalǵan jumys qazirgi ýaqyttyń ózinde naqty nátıje berip jatyr.
«Bul jumysty barlyq otandyq kompanııalan birlesip, jalǵastyrýy kerek. Bul máseleni baqylaý orynbasarym Roman Sklıarǵa júkteledi», - dedi ol.
Eske sala ketsek, búgingi Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov 2020 jyly Qazaqstanda Azamattyq avıatsııa oqý ortalyǵy ashylatynyn málimdegen bolatyn.
Sondaı-aq Úkimet basshysy Asqar Mamın Shymkenttegi áýejaı termınalynyń qurylysyn ýaqtyly aıaqtaýdy tapsyrdy.
