Úkimet naýryz aıyna deıin zeınetaqy aktıvterin ınvestıtsııalaý tetigin qaıta qaraıdy
ASTANA. QazAqparat - Úkimet 2016 jyldyń naýryz aıyna deıin zeınetaqy aktıvterin ınvestıtsııalaý tetigin qaıta qaraıtyn bolady. Búgin Parlament Májilisindegi Daǵdarysqa qarsy sharalarǵa arnalǵan Úkimet saǵatynda QR Ulttyq ekonomıka mınıstri Erbolat Dosaev osylaı málimdedi.
«Zeınetaqy jınaqtarynyń kiristiligin arttyrý maqsatynda keler jyldyń naýryz aıyna deıin zeınetkerlik aktıvterin ınvestıtsııalaý tetigi qaıta qaralatyn bolady. Al 2016 jyldyń shildesine deıin zeınetaqy qorlarynyń aktıvterin qazaqstandyq nemese sheteldik jekemenshik kompanııalardyń basqarýyna berý tetikteri ázirlenetin bolady. Budan bólek, Biryńǵaı jınaqtaýshy zeınetaqy qory, Problemaly kredıtter qory jáne basqa da qarjy ınstıtýttary Ulttyq banktiń baqylaýynan shyǵarylady», dedi E. Dosaev.
Mınıstrdiń aıtýynsha, Ulttyq bank pen Úkimet birlesip ekonomıkany dollarsyzdandyrý men korporatıvtik qundy qaǵazdardyń naryǵyn damytýdy jáne bırjalyq saýdany teńgeleı qarjy quraldarymen yntalandyrýdy qarastyrady. El aýmaǵynda satylatyn taýarlar men kórsetiletin qyzmetterdiń baǵalaryn jáne olardyń jarnamasyndaǵy baǵalardy ulttyq valıýtamen ǵana belgileýdi qosa alǵanda, teńge quraldarynyń tartymdylyǵyn arttyrý jónindegi sheshimder qabyldanatyn bolady.
