Úkimet músheleri Taldyqorǵandaǵy stýdent úıiniń qurylysymen tanysty

TALDYQORǴAN. QazAqparat - Almaty oblysynda is-saparmen júrgen Úkimet músheleri stýdentter úıiniń qurylysymen tanysty. Taldyqorǵanda salynyp jatqan nysan qazan aıynda paıdalanýǵa beriledi, dep habarlaıdy QazAqparat tilshisi.

288 oryndyq jataqhanada kolledj stýdentteri turatyn bolady. Bir bólme úsh stýdentke laıyqtalǵan. Sondaı-aq Gúlshara Ábdihalyqova bastaǵan top balalar hırýrgııalyq ortalyǵyn da aralady. Jyl basynan beri onda 400 ge jýyq kúrdeli ota jasalǵan. Jumys toby elimizdegi eń iri óndiris ornynda da boldy. Elektr stantsııalaryn shyǵaratyn zaýytta qoǵamdyq uıym ókilderi, kásiporyn basshylarymen júzdesti. Basqosýda kásipkerlerdiń qoǵam aldyndaǵy áleýmettik jaýapkershiligine basa nazar aýdaryldy. Ásirese, kópbalaly otbasylarǵa qaraılasý qajettigi aıtyldy.

«Almaty oblysy baıaǵydan agrarly aımaq bolyp esepteletin, endi agrarly ındýstrıaldy óńir boldy. Ótken jyly 880 mlrd teńgeniń ónimi óndirilse, bıyl 1 trln teńgeniń taýary shyǵarylady dep josparlap, 25 myń adamdy jumyspen qamtımyz», - dedi Almaty oblysynyń ákimi Amandyq Batalov Úkimet múshelerine qarata aıtqan sózinde.

Óńirdegi 43 kásiporynda 740 kópbalaly ana jumys isteıdi. Solardyń 500 den astamyn baspanamen qamtý kerek. Osy oraıda jany jomart qaıyrymdy jandardyń tájirbıesi úlgi retinde aıtyldy. Oblysta óndirilgen ónim kóleminiń artatyndyǵy da sóz boldy.