Úkimet músheleri men ákimder halyqty jumyspen qamtý tetikterin tıimdi paıdalanýy tıis

ASTANA. 19 jeltoqsan. QazAqparat - Búgin Úkimet otyrysynda Premer-Mınıstr Serik Ahmetov birqatar mınıstrlik mamandaryn «Jumyspen qamtýdyń jol kartasy - 2020» baǵdarlamasyn júzege asyrý barysyn zertteý úshin óńirlerge jiberýdi tapsyrdy.

«Jol kartasyn júzege asyrýdyń barysyn óńirlerdegi nátıjeler boıynsha qarastyrýdy usynamyn jáne olardyń esepterin tyńdaıtyn bolamyz. Sondyqtan da Eńbek jáne halyqty áleýmettik qorǵaý mınıstri óńirdi anyqtap, ol jerge jaǵdaıdy zertteýge jumys tobyn jiberińiz. Buǵan qosa osy jumystarǵa Ekonomıka jáne bıýdjettik josparlaý, Qarjy, Óńirlik damý mınıstrlikteriniń mamandaryn tartyńyzdar»,- dedi Úkimet basshysy.

Sonymen qatar S. Ahmetov jergilikti jerlerde «Jumyspen qamtýdyń jol kartasy - 2020» baǵdarlamasyn júzege asyrýdyń barysyn tyńǵylyqty qarastyrýdy júktedi.

«Baǵdarlamada eskerilgen tetikterdi biz tıimdi paıdalanýymyz qajet. Bul barlyq Úkimet múshelerine jáne óńirler ákimderine qatysty»,-dep túıdi Premer-Mınıstr.