Úkimet músheleri bankrottyq rásimderdi jetildirýge baǵyttalǵan zań jobasyn qoldady
«Elbasy ótken jylǵy qyrkúıek aıynda Parlamenttiń altynshy shaqyrylymynyń úshinshi sessııasynyń ashylýynda ońaltý jáne bankrottyq rásimderdi jetildirý qajettiligi týraly atap ótti. Tapsyrmany júzege asyrý maqsatynda mınıstrlik tarapynan zań jobasy ázirlendi. Búgingi kúni 4 myńǵa jýyq bıznes sýbektisi bankrottyq rásimin, 400-ge jýyq kásiporyn ońaltý rásimin qoldanýda. Negizinde, aýyr qarjylyq jaǵdaıyndaǵy bıznes sýbektileri odan aıtarlyqtaı kóp. Qoldanystaǵy Zań kásipkerge tez arada sátsiz bıznesin jabýǵa jol bermeıdi», - dedi ol.
Sondaı-aq, mınıstrdiń aıtýynsha, áli shamalary barlarǵa ońaltý protsesine júginý de qıynǵa túsedi. Ár tórtinshi jaǵdaıda sot boryshkerdi bankrot dep tanýdan bas tartady. Sotqa sýbektiniń qarjylyq jaǵdaıyna obektıvti baǵa berý qıyn. Bolmashy aktıvteriniń bar bolýy, sot úshin qaryzdardy óteýge múmkindik dep eseptelinedi. Uqsas jaǵdaı ońaltýdy qoldanýda da baıqalady. Ár úshinshi aryz boıynsha, boryshker - tólemge qabiletti nemese tólem qabiletsizdigin qalpyna keltirý úshin qarjy qorynyń bar ekenin dáleldemedi degen syltaýymen sot ońaltý rásimin qoldanýdan bas tartady.
«Zań jobasy osy máselelerdi sheshýge maqsattalady. Aıtalyq, onyń úsh negizgi baǵyty bolyp, ońaltý jáne bankrottyq rásimderin qoldaný úshin sharttardy jeńildetý, rásimderdi júrgizý merzimin qysqartý jáne jumys istemeıtin boryshkerlerdi jeńil túrde taratý bolyp tabylady», - dedi mınıstr.
Osydan keıin Úkimet músheleri zań jobasyn qoldap, biraýyzdan daýys berdi.
«Sheshim qabyldandy. Zań jobasyn Parlament Májilisine engizýdi qarasha aıynyń sońyna deıin daıyndaýdy tapsyramyn», - dedi Premer-Mınıstr Baqytjan Saǵyntaev.
